محترم شیخ الوظائف صاحب السلام علیکم! میرے خلاف عدالت میں کیس چل رہا ہے جبکہ میں بالکل بے گناہ ہوں۔مخالفین نے جھوٹا کیس کروایا ہےاور مجھے گرفتار کروانے کی کوشش بھی کی جار ہی ہے۔ اس کیس کی وجہ سے میں  عدالتوں میں ذلیل ہو رہا ہوں ، کبھی لگتا ہے میرا وکیل ہی مخالفین کے ساتھ ملا ہوا ہے۔ مجھے بہت پریشان کیا جار ہاہے ، کوئی ایسا عمل یا نقش دیجئے جوجلد میرا مسئلہ حل کر دے ‘کیس کا فیصلہ میرے حق میں آ جائےاور ظالم جھکنے پر مجبور ہو جائیں ۔ بہت پریشان ہوں ، میری مدد کریں۔ (ش ،و ، فیصل آباد )

 جواب: آپ کو عملیات کا بہت طاقتور نقش دیتا ہوں اگر آپ بے گناہ ہیں اور ظالم نے آپ کو بے جا ستایا ہوا ہے تو یہ نقش آپ کی قسمت کو اچانک بدل دے گا اور آپ کو دنیا کا انوکھا نظام ملے گا اور آپ تمام مجبوریوں سے نکل جائیں گے۔ نقش کا طریقہ یہ ہے کہ کاغذ پر ایک چار کونوں والا خانہ بنائیں اور ہر کونے پر" یَا وَلِیُّ " لکھیں اور درمیان میں اپنی حاجت لکھ کر اس نقش کو لپیٹ کر دھاگے سے کسی درخت کے ساتھ لٹکا دیں ،جہاں یہ ہوا سے ہلتا رہے کیس کا فیصلہ آپ کے حق میں ہو گا ۔